Groei as ’n dissipel van Jesus Christus
Laai gratis handleidings vir groepleiers af – om jou geloof prakties te leef en te verdiep, alleen of saam met ander.
Handleidings vir groepleiers
Die kursus bevat drie reekse van vier handleidings elk, met 12 lesse per handleiding.
Gaan en maak dissipels
Gaan en bou die Gemeente van Christus
Gaan en verkondig die Koninkryk van God
Oor die kursus
Jesus het mense geroep: Kom kyk!
en Volg My!
– en hulle lewens is verander.
Hy het twaalf dissipels gekies, hulle geleer, en toe gestuur om nasies tot sy dissipels te maak (Matteus 28:18–20).
Die DOTA-handleidings help groepleiers om ander toe te rus tot volwasse, volhardende dissipels van Jesus.
Ons bid dat die Here die getal dissipels sal laat toeneem en Hy alleen verheerlik sal word (Handelinge 6:7; Romeine 11:36).
Liewer in Engels? Read this introduction in English
Meer oor die doel en aanpak van die kursus lees jy in die inleiding. Wil jy nog meer gemotiveer word om die kursus saam met ander te doen? Lees ook Die bediening van Jesus Christus of Hoe om ’n dissipelskapgroep te begin.
Oor DOTA
Die naam DOTA is in 1993 geskep toe die kursus hoofsaaklik uitgesaai is as Discipleship Training On The Air
, ’n reeks radio-uitsendings en opleidingsessies in China. Eerste uitgawe in Afrikaans in 2013. Tweede hersiene uitgawe in 2016.
Kopiereg
Daar is kopiereg op die handleidings. Hulle mag slegs gekopieer word vir opleidingsdoeleindes. Hulle mag nie verkoop word nie. Hulle mag ook nie vertaal word in ander tale sonder skriftelike toestemming van die outeur nie.